Селекторот на македонската раометна репрезентација, Кирил Лазаров го објави скратениот список за Европското првенство 2022. Тој се одлучи за 24 имиња.
Прозивката Лазаров ја закажа за 22. овој месец во 12.00 часот во Хотел Александар Палас.
Македонската репрезентација веднаш ќе замине за Маврово каде ќе биде одработен првиот дел од подготовките.
За време на припремниот период пред настап за ЕП во Унгарија и Словачка, македонската селекција ќе одигра пријателски контролни натпревари со Кувајт и Израел.
Натпреварите со Кувајт ќе бидат одиграни во рамки на првиот дел од припремиот период во Маврово на 27 и 29 декември 2021 година, додека контролните натпревари со репрезентацијата на Израел ќе бидат одиграни во Скопје во Спортски центар Борис Трајковски на 03 и 4 Јануари 2022 година за време на вториот дел од подготовките.
Македонската репрезентација на Европското првенство MEN’S EHF EURO 2022 се натпреварува во група А заедно со националните селекции на Словенија, Данска и Црна Гора, натпреварите ќе бидат одиграни во FONIX ARENA во Дебрецен, Унгарија.
Натпреварите на македонската ракометна селекција на Европското првенство EHF EURO 2022 се со следниот распоред:
13.01.2022 SLO-MKD 18.00 часот
15.01.2022 MKD-MNE 18.00 часот
17.01.2022 MKD-DEN 20.30 часот
СПИСОК
