Со голот на Елиф Елмас во 5. минута Наполи го совлада Милан на „Сан Сиро“ во меч од 18. коло на Серија А. Навивачите на Милан на трибините направија кореографија по повод 122 години од постоењето на клубот, а рондендеското славење им го расипа македонскиот вундеркинд.
Тимот од Неапол поведе рано по лошата одбрана на играчите во „црвено-црна“ комбинација. Зелински нафрли, а Елмас со глава го совлада Мањан.
Милан одигра лош меч, имаше многу проблеми да се носи со играчите на Наполи. Неколку удари на Ибрахимовиќ не беа доволни барем за бод на овој меч.
Елмас излезе од игра во 86. минута, а на „Росонерите“ им беше поништен гол во 90 минута поради офсајд.
Наполи ја запиша втората победа по ред на „Сан Сиро“ по онаа во март оваа година. Со овие бодови Наполи ја презеде втората позиција на табелата со 39 бода, а Милан е трет со исто бодови но послаба гол-разлика. Лидер е Интер со 43 бода.
Painting San Siro red and black to celebrate our 122nd birthday ❤️🖤
Con il supporto del nostro sponsor @BancoBPMSpa, avete colorato San Siro di rossonero ❤️🖤#MilanNapoli #SempreMilan pic.twitter.com/Fk05ycFVlz
— AC Milan (@acmilan) December 19, 2021
