Македонскиот репрезентативец, Елиф Елмас ја игра најдобрата сезона во дресот на Наполи. Во петата минута против Милан на „Сан Сиро“ постигна гол за 0-1 и го врати својот тим во трката за титулата.
По завршување на мечот на адресата на Елмас стигнаа бројни честитки, меѓу нив беше и капитенот на македонската фудбалска репрезентација, Стефан Ристовски, кој откри важен детал од разговорот со Елмас. Нашиот дијамант во 2010 година првпат го гледал Горан Пандев на „Сан Сиро“, синоќа не само што играше на истиот стадион, туку му донесе победа на својот тим.
