Барселона никако да успее да врзе две победи. Во заостанатиот меч од 4. коло на ЛаЛига, вечерва во Андалузија, Каталоците одиграа нерешено 1:1 против екипата на Севиља и по седмипат сезонава ремизираа.
Ремито се чини беше подеднакво лошо и за двете екипи, затоа што Севиља не успеа да ја искористи шансата по ремито на Реал (М) во последното коло против Кадиз за со победа денеска да му се приближи на лидерот на само три бода.
Севиља поведе со голот на Алехандро Гомез во 32. минута, а Барселона во последната минута од првото полувреме успеа да израмни со голот на дефанзивецот Араухо. Барселона скоро 30 минути во второто полувреме играше со играч повеќе по исклучувањето на Кунде, но тоа не беше доволно за да постигне гол за победа.
Standings provided by SofaScore LiveScore
