Македонскиот репрезентативен голман, Столе Димитриевски, е најдобар голман во шпанската Ла Лига во досегашниот дел од сезоната, според статистиката. Тој е во одбрано друштво. Имено еден од најпознатите сајтови за фудбалска статистика, „Whoscored“ во објавата на „најдобрите 11“ во Ла Лига за досегашниот дел од првенството, го стави нашиот Столе во идеалниот тим.
Димитриевски има вкупна оценка од 6,9, а во „најдобрите 11“ во Ла Лига заедно со него се и дефанзивците Мафео (Мајорка), Милитао (Реал), Гарсија (Осасуна) и Морено (Бетис). Во средниот ред се одбрани Солер (Валенсија), Каземиро (Реал), Крос (Реал) и Винисиус Жуниор (Реал), додека најдобри напаѓачи се Бензема (Реал) и Фекир (Бетис).
