По МОЛ Фехервар, од денеска во „игра“ за потписот на Никола Серафимов, стоперот на Залаегерсег и член на нашата најдобра фудбалска репрезентација е и Ференцварош, тоа е најголемиот клуб во Унгарија.
Челниците на овој клуб пројавиле интерес за услугите на Македонецот кој до вчера беше во преговори со МОЛ Фехервар. Велиме беше, зошто Залаегерсег не сака да чуе да го пушти својот фудбалер за помалку од милион евра, а МОЛ Фехервар давал половина од таа сума. Па така сегашниот клуб на нашиот Серафимов најверојатно ќе го задржи се додека не дојде подобра понуда за Македонецот.
А таа подобра понуда по се изгледа дека ќе дојде до Ференцварош.
