Во овој момент во салата „Кале“ се игра дуелот меѓу Работнички и МЗТ Скопје 2 во рамките на 12. коло во Првата лига.
И на оваа средба на трибините осамна порака од навивачите на најтрофејниот кошаркарски колектив. Имаа нов транспарент, кој дополнително ги збуни присутните, останува голема енигма за кого се наменети нивните пораки иако неофицијално се шпекулира дека се за раководството на тимот.
„За сликање се местеше прв – малиот арогантен црв. Сајај или крај?“, е новата порака на навивачите на Работнички.
