Готово е. Еден од најталентираните млади Македонски фудбалери, и досегашен член на тимот на Работнички, Лука Станковски заминува во Турција, каде што потпиша договор со тимот на Газиантеп.
Станковски долго време е поврзуван со трансфер во странство, но од сите понуди кои во моментов У21 репрезентативецот ги имаше, се одлучи да замине во Турција, за сума од 650.000 евра.
Претходно Станковски веќе имаше преддоговор со Италијанскиот тим Монца, но поради адми нистративни пречки, тој остана уште шест месеци дел од тимот на Работнички. Офанзивецот сега дефинитивно заминува во странство, каде што ќе има можност да ја подигне својата кариера на едно сосема поинакво ниво.
