По Реал Мадрид, Барселона и Леванте, нов случај на Ковид-19 и тоа од поголем размер во Ла Лига. Тоа е тимот на Столе Димитриевски, Рајо Валјекано, кој денеска пријавил дека има дури 19 лица позитивни, од кои дури 17 играчи. Не се знае кој се е на тој список, дали е и нашиот Столе Димитриевски, кој денеска не бил на тренинг.
Објавени се само тие кои денеска се појавиле на тренинг. Се разбира дека ова е голем удар на хитот на досегашниот дел од сезоната во Ла Лига. Имено големо прашање е како ќе се состави тимот кој веќе на 2 јануари треба да игра против Атлетико Мадрид.
