Екипата на Лестер го совлада Ливерпул во меч од 20. коло на Премиер лигата. Вечерва на „Кинг Пауер“ стадионот „лисиците“ одиграа добро, а имаа и среќа и победата од 1:0 ја донесе Локман кој постигна гол во 59. минута и тоа само три минути откако влезе во игра.
Во првото полувреме, поточно во 16. минута „Црвените“ од Енфилд имаа огромна шанса да поведат, но од пенал не успеа да погоди Мохамед Салах. Противничкиот голман му го одбрани ударот, а по одбиената топка Салах шутна со глава и ја погоди пречката.
Ова е трет пат Салах да промаши пенал во дресот на Ливерпул. Претходно не успеа во 2017 против Хадерсфилд, оваа година против Милан и сега против Лестер.
Ливерпул и во првото и во второто полувреме имаше неколку убави шанси да изедначи но никако да го погодат голот.
„Црвените“ останаа второпласирани (41 бод) со шест бода помалку од лидерот Манчестер Сити, а Лестер се искачи на 9-тото место.
ГОЛОТ НА ЛОКМАН ПОГЛЕДНЕТЕ ГО ОВДЕ
