Големото дерби од 20. коло на италијанската Серија А меѓу Јувентус и Наполи може да биде одложен поради ситуацијата со коронавирусот. Според извори на италијанскиот печат, веќе два дена се разгледува опцијата во која натпреварот Јувентус – Наполи може да биде откажан поради зголемениот број на заразени со коронавирус кај италијанските фудбалери.
Натпреварот од ова 20. коло во италијанското првенство е закажан за 6 јануари во Торино. Италијанската Серија А во деновите по Нова година ќе има нови состаноци за да се утврди состојбата во двата тима, па во консултација со здраствените власти ќе се донесе финална одлука.
