Кошаркарите на Чикаго го совладаа тимот на Атланта на гости со 130:118 и со тоа дојдоа до четвртиот последователен триумф во НБА лигата. Најефикасен во тимот на Булс беше Демар Дерозан со дабл-дабл учинок од 35 поени и 10 асистенции, Зек Левин додаде 30 поени, со девет асистенции, додека дабл-дабл учинок забележа и црногорскиот центар Никола Вучевиќ со 24 поени и 17. скокови, а додаде и шест асистенции.
Чикаго е втор на табелата во Источната конференција со 21 победа и 10 порази.
На гостински терен на победите им се врати Далас кој беше подобар од Портланд со 132:117. Кристапс Порзингис постигна 34 поени за тимот од Тексас, со девет скока и пет асистенции, а Двајт Пауел додаде 22 поени.
Мемфис извојува голема победа над Феникс на гости со 114:113, откако Џа Морант го постигна победничкиот кош во последната секунда од натпреварот. Морант беше и најефикасен кај гостинскиот тим со 33 поени, поен помалку имаше Дезмонд Бејн. Кај домашните Букер постигна 30 поени.
НБА РЕЗУЛТАТИ:
Шарлот – Хјустон 123-99
Атланта – Чикаго 118-130
Минесота – Бостон 108-103
Сан Антонио – Јута 104-110
Феникс – Мемфис 113-114
Портланд – Далас 117-132
ЛА Клиперс – Бруклин 108-124
