Тренерот на Џенова Андреј Шевченко и капитенот Доменико Кришито се позитивни на Ковид-19, соопштија од италијанскиот клуб. Џенова соопшти дека ги презеле сите мерки и процедури при позитивен тест на коронавирус.
Кришито на социјалните мрежи потврди дека и сопругата и двете деца биле позитивни на тестот на коронавирус.
Ова е втор пат Кришито да е заразен со ковид-19, по септември 2020.
А додека Шевченко е во изолација, помошникот Мауро Тасоти ќе ги води тренинзите на екипата која се враќа на работа на 29 декември.
