Ако пред два дена Елиф Елмас стана најскапиот играч во историјата на Македонија со рекордни 24 милиони евра, според “Трансфермаркт“, тогаш цената на Енис Барди, еден од нашите најдобри фудбалери, бележи голем пад.
Имено ако пред една година Барди според специлизираниот сајт вредеше 20 милиони евра, и беше нашиот најскап или највреден фудбалер, тогаш од денеска играчот за врска на Леванте и А- репрезентацијата на Македонија, вреди само 9 милиони евра.
Ова е чудно, но сепак мора да се земе в предвид дека Барди долго време беше надвор од теренот поради повреда, а и неговиот Леванте е во очајна форма.
Сепак не се сомневаме дека одличниот Барди наскоро ќе си ја поврати вредноста, онаа според „Трансфермаркт“, од пред една година кога вредеше 20 милиони евра.