Освојувачот на европската круна Челзи објави загуби во износ од 145,6 милиони фунти за минатата финансиска година до 30 јуни 2021. Клубот ги регистрира загуби и покрај тоа што приходите се зголемени од 397,8 на 416,8 милиони фунти. Лондончани објаснија дека причината за загубите се затворените стадиони поради пандемијата и помалиот приход од продажба на играчи.
Од Челзи објавија дека продолжуваат да сметаат на финансиската поддршка на „Фордстам Лимитед“ компанија која е во сопственост на Роман Абрамович. Во сезоната 2020/21, во периодот на финансискиот отчет, Челзи ја освои ЛШ, завршија четврти во првенството и стигнаа до финалето на ФА купот.
