Екипата на Бетис почна да попушта и го запиша вториот пораз во серија во шпанската Ла Лига, а овојпат е поразен на домашен терен од Селта. Јаго Аспас ги постигна двата гола за Селта во првото полувреме за нивна победа од 2:0 на „Бенито Виљамарин“.
Бетис е третопласиран и по 19. кола има скор од 10 победи, три ремија и шест порази. Селта ја запиша шестата победа и има 23 бода.
А Алавес успеа да освои бод против Сосиедад. Алавес кој е во опасната зона успеа да извлече реми против фаворитот, но остана на 18. позиција. Сосиедад поведе со голот на Јанузај во 14. минута, додека изедначи Хоселу во 58. минута од пенал.
