Македонската ракометна репрезентација денеска славеше на првиот тест-натпревар против Израел во меч кој имаше доста турбулентни делови. Бекот Филип Талески по мечот имаше свое видување на формата на тимот и настапот на средбата со Израелците.
„Прво би кажал дека треба да се враќаме побрзо назад, затоа што тоа ни е некако слаба точка. Цело време беше турбулентна средба, во нападот имавме многу технички грешки и ќе мора да ги намалиме. Евентуално една или две по натпревар. Тоа се сегментите кои мора да ги подобриме. Добро трчаме, но мора да се враќаме побрзо“, вели Талески.
