Во моментов тренерот на тимот на Академија Пандев, и поранешен Македонски репреземтативец Александар Васоски е во преговори за преземање на клупата на Босанскиот фудбалски гигант Сараево.
Спортмедиа дознава дека Васоски заминува во БИХ на финални преговори со клубот во следните ден, два, и дека има сериозна опција да го преземе клубот со огромна историја како во поранешна Југославија така и во самостојна Босна.
Васоски засега во својата тренерска кариера се покажа како исклучително квалитетен стратег, како на кормилото на Вардар, така и сега во Академија Пандев, клуб со кој во моментов е второпласиран во домашниот шампионат.
Од друга страна пак Сараево во моментов е во потрага по тренер, опција како што дознава бил и Бруно Акраповиќ во моментов тренерот на Шкендија, но Васоски дефинитивно во моментов е најсериозниот кандидат.
Во Сараево секако и натаму е Крсте Велкоски, икона на овој клуб, македонскиот интернационалец кој беше дел од репрезентацијата на Македонија се до Европското на кое учевствувавме минатото лето.
