Екипата на Челзи ќе го казни својот напаѓач Ромелу Лукаку со половина милион фунти од платата на Белгиецот, за спорното интервју кој тој го даде за „Скај Италија“ и кое предизвика многу полемики во јавноста.
Тој во истото се пожали на некаков си лош статус во тимот на Челзи и за наводно незадоволство, како и за желбата да се врати во Италија.
Потоа нормално следуваше итен состанок во состав Томас Тухем, менаџер на Челзи и Ромелу Лукаку, на кој наводно напаѓачот се извинил за она што го кажал и дека ситуацијата е смирена. Па така, Англичаните веќе најавуваат дека Лукаку ќе биде во составот на тимот за мечот против Тотенхем, но казна секако му следува.
