Во Автокоманда очигледно дека се случува процес таканаречен „распад систем“. Беспарицата односно неисплатените плати доведоа до тоа, да некогаш клубот кој имаше сериозни амбиции при настапите и во Лигата на Шампионите во моментов остане без тренер. Иван Марковски, досегашниот кормилар на тимот на Металург, го известил клубот дека поради неисплатени примања едноставно си заминува.
Ова е само уште една причина повеќе, од многуте кои во Металург се случија периодов, да и стане јасно на јавноста дека клубот не оди во посакуваниот правец. Напротив, најпрво беше откажан настапот во Европа поради финансискиот депозит потребен за такво нешто, па потоа и заминувањето на голем број на играчи, за да кулминира со денешниот потег на Марковски кој реално ама баш никого не изненади.
