Јапонскиот ски-скокач Рују Кобајаши триумфираше и на третата скокалница од Новогодишната турнеја – 4 скокалници. Инаку натпреварувањето требаше да се одржи вчера во Инсбрук, но поради лоши временски услови беше преместено во Бишофсхофен каде што утре ќе се одржи и финалната четврта трка.
Кобајаши, кој триумфираше во Оберсдорф и во Гармиш, денеска беше најдобар и во Бишофсхофен, собра 291,3 поени и зад себе го остави Маруис Линдвик кој освои 286,6 поени.
На подиумот се искачи уште еден Норвежанец Халвор Егнер Гранеруд, а во топ 10 завршија и Гајгер, Фетнер, Херл, Јохансон, Ајзенбихлер, Хајбек и Сато.
Интересно, Линдвиг водеше по првата рунда, Кобајаши беше втор, но во „финалето“ Јапонецот успеа да го претрка ривалот.
Така Кобајаши е на чекор да го повтори својот ефект од 2019 година кога победи на сите четири скокалници. Ако триумфира и утре тој ќе биде првиот ски-скокач кој двапати победил на сите четири скокалници на Новогодишната турнеја.
Absolutely 𝐢𝐧𝐜𝐫𝐞𝐝𝐢𝐛𝐥𝐞 👏
Ryōyū Kobayashi’s Four Hills Grand Slam hopes are still on as he triumphs over the rest of the field in Bischofshofen!
Check out the winning jump ⛷️⬇️ pic.twitter.com/dwxoSGaXIO
— Eurosport UK (@Eurosport_UK) January 5, 2022
Next win for Ryoyu Kobayashi👏🇯🇵 Congrats! #4hills #bischofshofen pic.twitter.com/fU6LHyXMP9
— Vierschanzentournee (@vier_schanzen) January 5, 2022
