Бразилскиот офанзивец Филипе Кутињо се враќа во Премиер лигата, но не во Ливерпул каде што играше претходно туку во Астон Вила. Барселона ја прифатила понудата на клубот од Бирминген за позајмица на Кутињо на 18 месеци (до истекот на договорот со Барса) со што се отвара патот бразилскиот интернационалец да оди во Премиер лигата и да работи со Стивен Џерард кој е тренер на Вила оваа сезона.
Во текот на денешниот дел зделката ќе биде комплетирана, па Кутињо ќе може да биде регистриран за следните натпревари на Астон Вила. Неофицијално, Вила ќе плаќа меѓу 50% и 70% од платата.
И покрај тоа што имаше многу опции, па дури и да се врати во Бразил, но Кутињо одлучи да остане во Европа и да се обиде да ја поврати формата во Астон Вила. Јасно му е дека во Барса нема многу шанса за игра, а и клубот сака да се ослободи од него поради високите финансиски трошоци на клубот.
𝗕𝗥𝗘𝗔𝗞𝗜𝗡𝗚: Aston Villa have loan offer for Philippe Coutinho accepted by Barca.
The deal will be confirmed this morning.
– talkSPORT sources understand.
📲 Listen ☞ https://t.co/VJgUHnqdM1 pic.twitter.com/HDqpadxZpR
— talkSPORT (@talkSPORT) January 7, 2022
