По долго размислување и разгледување на Ковид ситуацијата, Словачка дозволи натпреварите на Европското првенство да се играат со публика. За разлика од Унгарија, во Братислава и Кошице во салите ќе биде дозволен капацитет од 25%, што пак е мала бројка, но во секој случај подобра варијанта од празни трибини.
Во Словачка ќе се играат дуелите од групите Д, Г и Е. Добро е познато дека Унгарија не ја ограничи бројката на фанови, за влез во сала ќе биде потребна потврда за целосна вакцинација, ПЦР тест не постар од 72 часа или пак документ за прележан Ковид-19 не постар од шест месеци.
За сите навивачи освен оние кои се помали од шест години е задолжително носење на маски. Европското првенство стартува на 13 јануари, Македонија игра во Дебрецен.
