Франција продолжува со проблемите пред стартот на Европското првенство кое на 13. јануари стартува во Унгарија и Словачка. На премиерниот дуел против Хрватска селекторот Гилјом Жил нема да смета на Валентин Порт, кој има коронавирус, па ќе мора да оди пет дена во изолација, а потоа да има два негативни теста.
Оваа репрезентација на ЕП нема да смета на Ремили и Лука Карабатиќ, кои се повредија. Претходно поради Ковид-19 надвор од стројот беше најдобриот играч, Никола Карабатиќ.
Капитенот на Монпелје, Порт инаку се најде на конечниот список од 20 ракометари, но ќе дојде подоцна во зависност од неговата здравствена состојба.
Голмани: Десбон (Ним), Жерар (ПСЖ), Пардин (Аикс). Леви крила: Деска (Монпелје), Наи (Киелце). Леви бекови: Никола Карабатиќ (ПСЖ), Конан (Аикс), Лагард (Аикс), Брие (Нант). Средни бекови: Мае (Веспрем), Монар (Нант), Мин (Нант). Пивоти: Фабрегас (Барселона), Турнат (Киелце). Десни бекови: Мем (Барселона), Ричардсон (Барселона), Бос (Монпелје). Десни крила: Кунку (ПСЖ), Лен (Монпелје), Порт (Монпелје).
