Иако одигра 70 минути со играч помалку, Арсенал успеа да остане непоразен на првиот меч од полуфиналето од Лига Купот на Англија на гости кај Ливерпул. „Топчиите“ беа без Гранит Џака од самиот почеток на мечот, кога беше исклучен по стартот над Жота, но Ливерпул не ја искористи предноста.
„Црвените“ го имаа поседот на топката, многу повеќе шутеви кон голот 17-3, но немаше реализација. Арсенал одигра феноменален натпревар во дефанзива и остана со реми без голови кое им дава шанса в четврток на домашен терен да се обидат да изборат победа за финале.
