Полека но сигурно се загрева атмосферата во Дебрецен, каде за нешто помалку од два часа Македонија во првиот меч од ЕП ќе ги одмери силите со Словенија. Во градот има доста наши фанови, “фалангата“ како и секогаш е тука, Кире и момците ќе ја имаат поддршка од трибините. Иако е студено во Дебрецен, сепак тоа не им пречи на нашите фанови полека но сигурно да се загреат за тоа што ќе се случува од 18 до 20 часот во „Феникс Арената“ во Дебрецен.
Интересно е тоа што во еден ресторан заедно беа нашите и данските навивачи. Беше доста симпатично, со нив играме на 17 јануари.
