Тренерот на Јувентус Масимилијано Алегри признава дека неговиот тим заостанува во однос на Интер. Во средата „Старата дама3 падна во дуелот со Интер во Суперкупот на Италија, а исто така „нероаѕурите“ се лидери во Серија А.
„Оваа сезона Интер е најдобриот тим во шампионатот. Тие се лидери и го продолжуваат она што го демонстрираа и минатата сезона. Во моментов тие се број 1, а за идната – ќе видиме“, вели Алегри.
Идното коло Јувентус ќе игра против Удинезе (сабота, 20:45 ч.) во Торино.
„Овој меч ќе биде поразличен од оној со Интер. Ни недостасува спокојство. Треба да сме попрецизни во додадавања и да бележиме подобри резултати против т.н. помалите кубови. Треба да промениме нешто во дуелите со нив. Против Интер не бевме фаворити, а некои ни предвидуваа убедлив пораз, меѓутоа не беше така“, додаде Алегри.
