Ракометната селекција на Црна Гора ќе биде следниот противник на Македонија на Европското првенство. Натпреварот се игра во сабота од 18 часот, а на клупата треба да биде селекторот Зоран Рогановиќ. Тој по седум дена доби негативен тест на коронавирус и се упати кон Унгарија. Сепак, во Дебрецен го чека уште еден круг на тестирање пред да добие дозвола за да биде на натпреварот.
Црногорците десеткувани настапија против Данска и изгубија со 30-21. Во составот немаше неколку ракометари поради коронавирус, а истите веројатно ќе ги нема ни против Македонија. До овој момент позитивни се средниот бек Стеван Вујовиќ, пикерот Небојша Симовиќ, а од вчера позитивен е и десниот бек Стефан Чавор.
