Селекторот, Кирил Лазаров направи промени во составот за дуелот со Црна Гора. Поради Ковид-19 отпанда Стојанче Стоилов, кој нема да може да помогне до крајот на групната фаза на Европското првенство.
Се враќа Никола Митревски на местото на Градинимир Чаневски, а додека шанса ќе добие Кристијан Симоновски. Останатите играчи се истите од мечот со Словенија.
МАКЕДОНИЈА: Митревски, Томовски, Велковски, Кузмановски, Кузманоски, Ѓорѓиев, Талески, Миркуловски, Симоновски, Костески, Георгиевски, Крстевски, Пешевски, Маџовски, Серафимов, Мишевски.
Дуелот меѓу Македонија и Црна Гора е закажан со почеток во 18 часот, избраниците на Кирил Лазаров ќе ја бркаат првата победа на овој шампионат.
