Денеска на програмата на ЕП 2022 во ракомет се само четири натпревари, и тоа по два од второто коло во групите Б и Д.
Унгарија, еден од домаќините на ова ЕП се среќава со Португалија. Мечот се игра од 18 часот, во кој Унгарија мора победи ако сака пласман во следната фаза. Ова е меч на одлука за Унгарија ако се знае дека во 1.коло тие сензационално загубија од Холандија.
Во оваа Б група од 20:30 часот се среќаваат и Исланд и Холандија.
Во групата Д, најпрво од 18 часот се среќаваат Германија и Австрија, а во вечерниот термин играат Белорусија и Полска.
Познато е, Македонија утре во последниот меч од групата А се среќава со Данска, мечот започнува во 20:30 часот, натпревар кој ќе биде само за престиж за нашите момци.
