Она што утринава веќе го најавивме, Филип Миркуловски го потврди после натпреварот со Данска. Големиот борец најави дека оваа сезона е последна во неговата кариера.
Миркуловски вели дека играле за нивна душа, но тешко е да се добие една Данска, макар играла и со резервни играчи, што пак ја прави фаворит за златниот медал.
„Игравме за наша душа, но загубивме. Втората постава на Данска е исто добра како првата, тие се фаворити на ова ЕП, загубивме од најдобрата екипа.
Ќе се беше подобро сите играчи да беа тука, не бевме кадарни да да запишеме една победа. За баражот ќе бидам присутен, дефинитивно оваа сезона е последна како играчка, така и тренерска кариера. Дефинитивно останувам тренер во Велцар“, изјави Миркуловски.
