Горан Томовски го продолжи договорот со Академија Пандев на плус две години. 23-годишниот играч за врска одлучи да ја прифати понудата на раководството на клубот за продолжување на актуелниот договор кој истекуваше на лето за уште две години. Како што информираат од таборот на “пандевци“, тие се посебно среќни што дете кое што е со нив уште од првиот ден од формирањето на клубот израсна во фудбалер кој е еден од носителите на сениорскиот тим.
