Капитенот на македонската фудбалска репрезентација Стефан Ристовски гласаше за Роберт Левандовски во изборот за најдобар фудбалер на светот за 2021 година. Максимални бодови Ристовски даде за Левандовски кој втора година по ред е најдобар фудбалер според ФИФА, а фудбалерот на Динамо на второ место го стави Лео Меси, а трет Кристијано Роналдо.
Селекторот на репрезентацијата Благоја Милевски гласаше за италијанскиот репрезентативец и член на Челзи Жоржињо за најдобар фудбалер. Според него на второ место на списокот е Роберт Левандовски, а трет Лео Меси.
