Кошаркарите на Навико Академија ФМП го одиграа првиот официјален натпревар во 2022 година, а за противник го имаа израелскиот Макаби Хаифа и загубиа со 89:112. Кошаркарите од Кисела Вода не можеа да му парираат на фаворитот, па го впишаа шестиот пораз во шестиот меч во групата од БИБЛ лигата.
Својата шанса за прва победа ФМП ќе ја бара против Левски идно коло и тоа во Софија.
Најефикасен кај ФМП беше Били Ајви со 33 поени, а на двоцифрена бројка беа уште Недељко Кошанин и Филип Бакоч, двајцата по 15 поени.
