По одигрувањето на денешните четири последни дуели од првата фаза на Европското првенство во Унгарија и Словачка, стана комплетно познат и конечниот изглед на долниот дел од табелата на ова ЕП од 13-тото до 24-тото место.
Македонија која без бод се врати од Дебрецен, ова европско првенство ќе го заврши и официјално на 22. место. Зад нас се само селекциите на Босна и Херцеговина и Украина кои имаат послаба гол-разлика во нивните групи. Ова е дефинитивно најслабиот пласман на Македонија на своите досегашни учества на европските шампионати.
На првото учество на ЕП во 1998 година бевме 12-ти, додека на последното пред две години завршивме како 15-ти.
ПЛАСМАН:
13. Чешка
14. Србија
15. Унгарија
16. Словенија
16. Белорусија
18. Словачка
19. Португалија
20. Австрија
21. Литванија
22. Македонија
23. БиХ
24. Украина