Кошаркарите на Навико Академија ФМП ја забележаа првата победа во групата во БИБЛ лигата, а ја совладаа екипата на Левски и тоа во Софија. Тимот од Кисела Вода на полувреме имаше негатива од дури 15 поени (34:49), меѓутоа собраа сили и се надминаа себе си, а го изненадија и ривалот инаку фаворит на овој дуел. Со одличното второ полувреме го свртеа резултатот и стигнаа до победа од 84:81.
ФМП го имаа Били Ајви кој реализираше 29 поени, Крстајиќ постигна 17, а Бакоч и Тодоровски имаа по 11.
Последниот меч во оваа регионална лига екипата на ФМП ќе го одигра на 25. јануари на домашен терен против Балкан од Ботевград.
