Управата на саудискиот клуб Ал Наср е блиску до договор со македонскиот репрезентативен голман Столе Димитриевски, велат денеска најновите вести од тамошните медиуми. Изворите посочуваат дека Ал Наср оди кон активирање на клаузулата од 6 милиони евра, за да го раскине договорот на Столе, кој е во сопственост на шпанскиот клуб.
Ваквиот потег ќе следува откако управата на Рајо одби две понуди за нашиот голман, едната за 3,5 милиони евра, а другата за 5 милиони евра. Тамошните извори тврдат дека Ал Наср се договорил со играчот за неговите лични услови, бидејќи договорот би се потпишал за период не помал од 4 години, за плата од два милиони евра годишно.
Управата на Ал Наср го стави голманот на Вест Хем, полскиот интернационалец Лукаш Фабијански, како алтернативна опција во случај договорот со Димитриевски да пропадне.
