Екипата на Интер се наоѓаше пред елиминација од Купот на Италија, но на чудесен начин се врати и победи. „Нероаѕурите“ се протнаа во четвртфиналето по триумфот над Емполи вечерва на „Меаца“ со 3:2 и тоа по продолженија.
Уште на стартот проблеми за Интер, се повреди Жоакин Кореа кој со солзи во очите го напушти теренот. Сепак, неговата замена Санчез ги доведе „нероаѕурите“ во предност во 13. минута.
Но во второто полувреме Емполи го шокираше домашниот тим. во 61. минута Бајрами изедначи, а во 76. минута Кутроне шутна со глава топката удри во пречката, па во голманот на Интер и заврши во мрежата.
„Нероаѕурите“ беа пред елиминација, но во 91 минута се извлекоа. Стрелец на изедначувачкиот гол беше Андреа Ранокија со што се прејде во продолженија.
Таму во 104. минута стрелаше Стефано Сенси на асистенција на Санчез, а тој гол беше доволен за победа на Интер од 3:2.
Пред овој меч играа Сасуоло и Каљари. Сасуоло се пласира во наредната фаза по триумфот со 1:0.
Во следната фаза Сасуоло ќе игра со Јувентус, додека Интер ќе го чека подобриот од мечот Рома-Лече.
FOTO> Twitter/Inter
