Групната фаза на Европското првенство синоќа и официјално заврши. Вкупно 12 репрезентации ги спакуваа куферите, меѓу нив е македонската ракометна репрезентација.
Познат е пласманот на селекциите од 13. до 24. место, редоследот е следниот: Чешка, Србија, Унгарија, Словенија, Белорусија, Словачка, Португалија, Австрија, Литванија, Македонија, Босна и Херцеговина и Укарина.
Системот на ЕХФ се покажа како фатален за сите селекции. Одлуката во следната фаза да одат првопласираните екипи од секоја група им се удри од глава на челниците на ова натпреварување.
Будимпешта, градот каде што ќе се игра една од двете главни рунди остана без главните фанови, домашните. Унгарија не успеа да го завери билетот.
Токму од оваа група доаѓа и најголемото изненадување. Холандија за првпат во својата историја ќе игра во следната фаза. Оваа репрезентација до 2020 немаше пласман на Европските првенства, на истото заврши на 17. место, сега има шанса да испише нова историја.
How it feels to reach the Main Round for the first time🤯🇳🇱#ehfeuro2022 #HandbalNL #TeamNL pic.twitter.com/3WMwPl5MDM
— Handbalheren Oranje (@Handbalheren) January 18, 2022
Во главната рунда ќе ја нема Словенија која пред стартот на ЕУРО ја сместија како еден од главните фаворити за високи дострели, наместо оваа селекција во Будмпешта билет заверија Црногорците. И покрај Ковид-проблемите најдоа начин и сила да го продолжат европскиот сон.
Во Будимпешта ќе ги видиме Хрватска, Франција, Данска, Исланд, Холандија и Црна Гора, додека пак во Братислава пак ќе играат Германија, Шпанија, Русија, Норвешка, Шведска и Полска.
🚨 Here are your main round rankings! Action begins in Budapest and Bratislava on Thursday 💪#ehfeuro2022 #watchgamesseemore pic.twitter.com/CKtw8y3SsC
— EHF EURO (@EHFEURO) January 18, 2022
