Денеска продолжуваат мечевите на Европското првенство кое се одржува во Унгарија и Словачка. На програмата се три меча од групата 1, која се игра во Будимпешта.
Хрватска по поразот од Црна Гора има тешка задача, игра против Данска, дуелот е закажан со почеток во 20:30 часот.
На оваа средба Иван Чупиќ ќе има шанса да го израмни достигнувањето на Кирил Лазаров. Македонската гол-машина е на деветото место на најдобри стрелеци на вечната листа со 182 гола. На екс-вардарецот му се потребни три гола за да дојде до оваа бројка, а ќе има шанса да запише многу повеќе и да го мине Лазаров.
Кире до овој учинок дојде од 2012 до 2020 година. Исто толку голови има и Јан Филип. Лазаров на ова Европско првенство, кое требаше да биде последно големо натпреварување за него поради повреда не настапи, ја извршуваше само селекторската функција.
Лидер е Сигурдсон со 288 гола, зад него е Никола Карабатиќ.
