Како што потврди денеска Управниот одбор на Хрватскиот кошаркарски сојуз, нов селектор на машката сениорска репрезентација на Хрватска е Дамир Мулаомеровиќ.
Минатата недела Вељко Мршиќ и Хрватскиот кошаркарски сојуз се договорија за раскинување на соработката, а Мулаомеровиќ беше дел од стручниот штаб на репрезентацијата и тесно соработуваше со сега веќе поранешниот селектор.
Новоизбраниот селектор е поранешен хрватски репрезентативец и поранешен селектор на Босна и Херцеговина и Косово, а во хрватската репрезентација и се приклучи како помошник селектор во февруари 2020 година, во пресрет на првиот круг од квалификациите за Европското првенство.
