Новото раководство на Пелистер по се изгледа дека уште на стартот сериозно си ја сфати работата. Па така најново име во редовите на битолскиот прволигаш е Петар Љамчевски (30), играчот за врска кој во изминатата есен го носеше дресот на Вардар. Љамчевски е првото звучно име во Пелистер во овој зимски преоден рок.
Ова е негово враќање во својот матичен клуб. Покрај Пелистер и Вардар, искусниот играч за врска има играно и за Металург, Еуромилк, Силекс, Гостивар, Тиквеш.
Според најавите од Пелистер, ќе има уште неколку квалитетни засилувања за тимот на новиот стратег Марјан Секуловски.
