Светскиот рекет број еден, Австралијката Ешли Барти, извојува убедлива победа во четвртфиналниот меч на Австралија опен, против Американката Џесика Пегула и се пласираше во полуфиналето. Барти експресно ја доби 21-та на ВТА ранг-листата во два сета: 6:2, 6:0, за само еден час игра.
Барти годинава јуриша на титула на Австралија Опен, откако во своја сопственост веќе има по еден трофеј од Ролан Гарос и Вимблдон. Во битка за финалето таа ќе има уште една тенисерка од САД, Медисон Кејс.
