Исланѓанецот Гудјон Валур Сигурдсон пред стартот на Европското првенство беше неприкосновен на првата позиција на вечната листа стрелци. Но, наскоро сето ова би можело да се промени.
Најголема закана за врвот на Сигурдсон е Никола Карабатиќ. Францускиот репрезентативец е на 13 гола до остварувањето на Исланѓанецот, кој од 2000 до 2020 година на континенталните натпреварувања постигна 288 гола. Карабатиќ најверојатно ќе одигра уште три меча до крајот, па лесно може да стане најдобриот стрелец во историјата.
На третото место се наоѓа Микел Хансен, тој има 36 голови помалку, јасно е дека ќе остане при врвот, а остварувањето на Сигурдсон ќе може да го стигне на следниот евро-шампионат.
