Поранешниот селектор на Англија, Рој Хоџсон е подготвен да ги прекине пензионерските денови и да ја преземе функцијата менаџер на Ватфорд. Според „Атлетик“, клубот веќе разговара со 74-годишниот стратег.
Ватфорд го отпушти Клаудио Раниери вчера, а на местото на 70-годишниот Италијанец кој го презеде Ватфорд на 4 октомври минатата година, сега се подготвува да дојде уште повозрасен менаџер.
Последната работа на Хоџсон беше во Кристал Палас, од каде замина на крајот од минатата сезона.
