По неколку дневни преговори Атлетико ја донесе замената за Киран Трипие кој пред две недели замина во Њукасл. „Јорганџиите“ не се фрлија на скап трансфер, туку се насочија на ефтина варојанта и тоа бргу се договорија со Валенсија околу играчот Даниел Вас за кого ќе платат 2,7 милиони евра.
Данецот со клубот од „Метрополитано“ потпиша договор до 2023 година. Со тоа Симеоне ја „закрпи“ дупката на десната бековска позиција со фудбалер кој веќе шест сезони игра во Ла Лига па не би требало да има проблем да се адаптира на промената на средината.
Вас пред Валенсија играше и за Селта Виго, француски Евиан, дански Брондби. Има 32-години и веќе 41 натпревар за данската репрезентација.
