Не е тајна дека Кристијано Роналдо има високо мислење за себе, а тоа го потврди со новиот, чуден потег, го блокираше „Трансфермаркт“, според многумина најрелевантниот извор кога станува збор за процена на вредноста на фудбалерите.
Оваа специјализирана интернет страница објави листа на фудбалери над 33 години и нивната вредност. Ова не му се допадна на Роналдо, тој прво им испратил порака дека вреди повеќе од тоа, а потоа ги блокирал на „Инстаграм“.
„Објавивме 10 играчи постари од 33 години, а тој беше на првото место, ни рече дека вреди многу повеќе. Прво им испрати пораки на колегите на социјалните мрежи, а потоа му објаснивме зошто е на таа сума проценет, и дека е најдобар во оваа група на играчи“, објаснија од овој интернет портал.
На Роналдо му објасниле дека разликата меѓу него и вториот од таа листата е од 30 до 50 милиони евра, а неговиот одговор биле неколку стикери и на крај „блок“. „Трансфермарк“ во овој момент го проценува на 35 милиони евра.
