Репрезентацијата на Норвешка заврши на петтото место на Европското ракометно првенство откако денеска го совлада Исланд во неизвесен и жесток меч и тоа по продолжението. На полувреме Норвежаните имаа предност од 16:12, а потоа паднаа физички но и тактички поради што Исланд успеа да направи пресврт. На крајот беше 27:27 по што се отиде во продолжение.
А и таму беше изедначено, Исланд четири пати водеше но Норвежаните возвраќаа за во финишот Норвежаните да постигнат два гола и да го свртат мечот во своја корист.
Кај Норвежаните најефикасен беше Сагосен со осум гола, шест постигна Ренкинд.
Кај Исланѓаните воедно и најефикасен на мечот беше Магнусон со 10 гола, а 8 даде Смарасон.
Со оваа победа Норвежаните си обезбедија и директен пласман на СП.
