Репрезентацијата на Камерун се пласира во полуфиналето на Купот на африканските нации по триумфот над Гамбија со 2:0 вечерва на „Јапома“ стадионот во Дуала. Домаќинот на шампионатот го скрши противникот, инаку дебитант на африканскиот куп, со два гола на Карл Токо Екамби во второто полувреме.
Првиот го постигна во 50. минута, а вториот седум минути подоцна и со тоа стигна до пет гола на овогодишниот Африкански куп, еден помалку од соиграчот Венсан Абубакар.
Во полуфиналето Камерун ќе игра со подобриот од дуелот меѓу Египет и Мароко.
