МЗТ Скопје по вторпат оваа сезона го доби Еуро Никел. Тимот од Аеродром овој пат на домашен терен славеше со убедливи 81-67 во рамките на 14 коло во Првата лига. Со 11 победа „сино-белите“ остнаа зад Пелистер, кој го држи врвот без ниту еден пораз.
Кавадарчани практично имаа сили за едно полувреме, по кое МЗТ Скопје ја превзема иницијативата, ја зацврсти одбраната и максимално го искористи проблемот на противникот со реализација.
Крстевски со 17 поени беше прв стрелец, по 14 поени имаа Дејвис и Рикиќ, 10 запиша Милошевиќ, на другата страна Калахан имаше 14 поени, 11 реализираше Дубински.
Прво полувреме со бројни пресврти одиграа двата тима. Гостие поведоа со 2-6, на другата страна актуелниот првак со серија од 9-0 доје на плус осум (21-13). Калахан и Самарџиски на стартот на вториот период веднаш ја надокнадија негативата, Димчевски и одново Калахан донесоа ново водство од 23-26. Беше вистинска резултатска нишалка до пред самиот крај кога домаќинот предводен од Крстевски и Мекиќ го смени текот, на одморот замина со плус пет 37-35.
Добрата одбрана на МЗТ Скопје беше причина за една поинаква приказна на теренот. Избраниците на Дарко Радуловиќ отворија со 14-7 и дојдоа на двоцифрени 51-39 во 26 минута, а потоа и на 57-43.
Дека ова ќе биде победа за МЗТ Скопје потврда дојде на стартот на третата четвртина, кога „сино-белите“ поведоа со плус 22 (68-46) по три пол минути игра. Еуро Никел се разбуди, како добредојде беа техничките грешки за клупата на МЗТ и Милошевиќ во 36 минута. На теренот настана мала бркотница, кавадарчани се обидуваа да ја дестабилизираа играта на домашниот состав, но истиот заврши без успех.
